വനിതാ ഹോസ്റ്റലിനുമുന്നില്‍ താന്‍ നഗ്നതാ പ്രദര്‍ശനം നടത്തിയില്ലെന്ന് നടന്‍ മണികണ്ഠന്‍. താന്‍ സിനിമാ നടനാണെന്ന് മനസിലാക്കി ഒരു സംഘം ആളുകള്‍ തന്നെ കുടുക്കുകയായിരുന്നു എന്നും മണികണ്ഠന്‍ ആരോപിച്ചു. പെട്രോള്‍ തീര്‍ന്നതിനെ തുടര്‍ന്ന് വനിതാ ഹോസ്റ്റലിനു സമീപം വഴിയരുകില്‍ കാര്‍ നിര്‍ത്തിയ തന്നെ നാട്ടുകാരും പൊലീസും ചേര്‍ന്ന് കള്ളക്കേസില്‍ കുടുക്കുകയായിരുന്നു എന്നാണ് മണികണ്ഠന്‍റെ വിശദീകരണം.
രാത്രി ഏഴരയോടെ ശ്രീകാര്യത്തു നിന്ന്‌ കഴക്കൂട്ടത്തേക്കു പോകുകയായിരുന്നു താന്‍. പെട്ടെന്ന് കാറിലെ പെട്രോള്‍ തീര്‍ന്നു. കാര്യവട്ടത്തുപോയി പെട്രോള്‍ വാങ്ങാനായി, കാറില്‍ നിന്നിറങ്ങി വഴിയരുകില്‍ പ്ലാസ്റ്റിക്‌ കുപ്പി തിരഞ്ഞു. ഇതുകണ്ടുകൊണ്ടുവന്ന നാട്ടുകാര്‍ പിടികൂടി ചോദ്യം ചെയ്തു. ഞാന്‍ നഗ്നതാപ്രദര്‍ശനം നടത്തുകയായിരുന്നു എന്നാണ് അവര്‍ ആരോപിച്ചത്. നടനാണെന്ന് മനസിലായതോടെ നാട്ടുകാര്‍ക്ക് ആക്ഷേപിക്കാന്‍ ഉത്സാഹം കൂടി. പിന്നീട് പൊലീസ് എത്തി. അവര്‍ക്കും എന്നെ കുടുക്കാനായിരുന്നു താല്‍പ്പര്യം. ഞാന്‍ ഈ ഹോസ്റ്റലിന് മുന്നില്‍ ഏഴാമത്തെ തവണയാണ് ചെല്ലുന്നതെന്ന്‌ പൊലീസ് കഥയുണ്ടാക്കുകയതാണ്- മണികണ്ഠന്‍ പറയുന്നു.
തിരുവനന്തപുരം കാര്യവട്ടം ക്യാംപസിലെ വനിതാ ഹോസ്റ്റലിനു സമീപം കഴിഞ്ഞ വെള്ളിയാഴ്ച നഗ്നതാപ്രദര്‍ശനം നടത്തിയെന്നാരോപിച്ചാണ് നാട്ടുകാര്‍ കഴിഞ്ഞ ദിവസം മണികണ്ഠനെ പിടികൂടി പൊലീസില്‍ ഏല്‍പ്പിച്ചത്. പോലീസ് അറസ്റ്റു ചെയ്തു കേസെടുക്കുകയും ചെയ്തിരുന്നു. ഹോസ്റ്റലിലെ പെണ്‍കുട്ടികള്‍ അറിയിച്ചത് അനുസരിച്ച് നാട്ടുകാരും ക്യാമ്പസിലെ സെക്യൂരിറ്റിക്കാരും ചേര്‍ന്ന് ഇയാളെ പിടികൂടുകയായിരുന്നു. നാട്ടുകാരും സെക്യൂരിറ്റിക്കാരും നന്നായി 'കൈകാര്യം' ചെയ്ത ശേഷമാണ് ഇയാളെ പൊലീസിന് കൈമാറിയത്. മുന്‍പ്‌ ഏഴുതവണ ഇത്തരത്തില്‍ നഗ്നതാ പ്രദര്‍ശനം നടത്തിയിട്ടുണ്ടെന്ന്‌ ഇയാള്‍ സമ്മതിച്ചതായി പോലീസ് പറഞ്ഞിരുന്നു.
ഏഷ്യാനെറ്റില്‍ സം‌പ്രേക്ഷണം ചെയ്ത 'സന്‍‌മനസുള്ളവര്‍ക്ക് സമാധാനം' എന്ന സീരിയലിലെ 'കുര്യാക്കോസ്' എന്ന വൃദ്ധ കഥാപാത്രത്തെ അവതരിപ്പിച്ചാണ് മണികണ്ഠന്‍ ശ്രദ്ധേയനായത്. പിന്നീട് 'യക്ഷിയും ഞാനും' ഉള്‍പ്പടെയുള്ള സിനിമകളിലും ഇയാള്‍ അഭിനയിച്ചു.
No comments:
Post a Comment